Танымал актер-спортшы Чак Норрис өмірден өтті
Ол 86 жаста болатын.
Америкалық актер, жекпе-жек шебері Чак Норрис 86 жасында өмірден озды.
Белгілі болған дерек бойынша, танымал актер Гавайи аралдарында жаттығу кезінде денсаулығына байланысты шұғыл жағдайға тап болып, соңынан ауруханаға жеткізілген. Дәрігерлер алғашқы көмекті дер кезінде көрсеткенімен, кейінірек оның қайтыс болғаны туралы ақпарат тарады. Оқиғаның нақты себептері әзірге айтылмады.
Чак Норрис - Голливудтағы ең танымал тұлғалардың бірі, жекпе-жек өнерін кеңінен насихаттаған шебер ретінде әлемге танылды. Ол көптеген экшн-фильмдерде басты рөлдерді сомдап, өз дәуірінің символына айналған.
Спорттық тәртіп пен өмір салтын берік ұстанған актер өмірінің соңына дейін жаттығуын тоқтатпаған.
«Ол табандылығы мен кәсібіне адалдығы көпшілікке үлгі болды. Аңыз тұлғаның қазасы әлемдік кино және спорт қауымдастығы үшін ауыр қайғы болды», - дейді жақындары.