Жазғы Азия ойындары Жапонияда өтеді
Бокстан ұлттық құрама қаңтар айында Түркістан облысында оқу-жаттығу жиындарын бастайды. Бұдан кейін құрама спортшылары АҚШ боксшыларымен бірлесіп дайындықтарын пысықтамақ.
Бұл туралы ҚР ұлттық құрамасының бас бапкері Қайрат Сәтжанов Қанат Байұзақовқа берген сұхбатында атап өтті.
«2026 жылдың 4-25 қаңтары аралығында жалпы дене дайындығы бойынша Түркістан облысында оқу-жаттығу жиынын өткізеді. Одан кейін бірқатар спортшыларымыз Испаниядағы турнирге аттанады. АҚШ құрамасы Олимпиада бағдарламасына кіретін 7 салмақтан 14 боксшыны бірге Колорадо-Спрингс қаласына дайындалуға шақырды. Жыл сайынғы дәстүрлі Болгария, Мажарстан, Сербиядағы жарыстарда да күшімізді сынап көрмекшіміз. Моңғолияда өтетін Азия чемпионатына дайындалу үшін, Қазақстанда Өзбекстан, Қытай, Қырғызстан, Түркия және Англия құрамасы оқу-жаттығу жиынына қатысуға қызығушылық танытып отыр. 2026 жылдың басты жарысымыз – қыркүйек айындағы Жапониядағы жазғы Азия ойындары болмақ», - деді бас бапкері.
Айта кетейік, жақында ұлттық құрама боксшылары Дубайда ІВА өткізген әлем чемпионатында 3 алтын, 1 күміс, 2 қола медаль иеленген еді. Олардың қатарында Сәкен Бибосынов, Оразбек Асылқұлов, Абылайхан Жүсіпов топ жарса, Сабыржан Аққалықов күміс медаль иеленді. Ал Теміртас Жүсіпов пен Ертуған Зейнуллинов қола жүлдеге қол жеткізді.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Ертіс
Қызылжар
Қайсар
Атырау
Алтай
Жетісу
