Жаңа шығарылым! Англия жеңіледі. Саутгейт ақымақ адам!

Өзбекстандағы этникалық қазақ боксшысы Қазақстанға қоныс аударды

20.02.2024, 18:01

Ол 71 келіде өнер көрсетеді

Өзбекстандағы этникалық қазақ боксшысы Қазақстанға қоныс аударды
instagram.com/amankonsbekov

Өзбекстан боксшысы – этникалық қазақ Аман Қонысбеков тарихи отанына оралды. Бұл туралы Instagram әлеуметтік желісіндегі qandas_sportshilar парақшасында жазылған.

Айта кету керек, Аман Қонысбеков Өзбекстан чемпионатының қола жүлдегері және халықаралық турнирлердің жүлдегері. 

Ол Өзбекстанның Навои облысы Зафарабад ауылында дүниеге келген. Көрші ел чемпионатында 71 кг салмақ дәрежесінде өнер көрсетіп жүрді. Ол өткен жылы аталған салмақта Өзбекстан біріншілігінің жартылай сынында Асадходжа Муйдинходжаевты бірінші раундта нокдаунға түсіргенмен, финалға өте алмаған еді. 

Боксшы Астанаға тұрақтаған. Алайда ол ел чемпионатында Түркістан облысының атынан сынға түсуі мүмкін. 

Қазіргі уақытта Аман Қонысбеков еліміздің былғары қолғап шеберлерімен қатар Алматы қаласында оқу-жаттығу жиындарына қатысып жатыр.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам