Махмұд Сабырхан жартылай финалда Филиппин өкілі Карло Пааламмен жұдырықтасты
Қазақстандық боксшы Төрехан Сабырхан Азиада-2026 ойындарының жартылай финалынан кейін ағасы Махмұд Сабырханға қолдау білдірді.
Махмұд Сабырхан 55 келіге дейінгі салмақта финалға шығу үшін Филиппин өкілі Карло Пааламмен жұдырықтасты. Үш раунд қорытындысы бойынша төрешілердің 3:2 есебімен жеңісті Пааламға бергені белгілі. Осылайша, Махмұд Азия ойындарының қола жүлдегері атанды.
Жекпе-жектен кейін Төрехан әлеуметтік желідегі парақшасында ағасымен бірге түскен суретін жариялап, оған жылы лебізін білдірді.
«Бүкіл ел нағыз чемпионның қандай болатынын көрді. Ең маңызды сәтте өзіңіздің нағыз чемпион екеніңізді дәлелдедіңіз», – деп жазды Төрехан Сабырхан.
Айта кетейік, Төрехан Сабырхан Азиаданың 70 келіге дейінгі салмағында өнер көрсетіп, финалға жолдама алған. Ол жартылай финалда Өзбекстан өкілі Шавкатжан Болтаевты 5:0 есебімен жеңді.
Бүгін қазақстандық боксшы шешуші жекпе-жекте Иордания өкілі Зеяд Ишаишпен кездеседі.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Ертіс
Қызылжар
Қайсар
Атырау
Алтай
Жетісу
