![Тим Цзю америкалық боксшыға жеңіліп, чемпиондық титулынан айрылып қалды](https://1bol.kz/cache/imagine/1200/uploads/news/2024/03/31/6608ece5d4a62592832034.jpeg)
Қарсыласының бойы 2 метрге жуық
Даңқты кәсіпқой боксшы Константин Цзюдің ұлы Тим Цзю өзінің чемпиондық титулын қорғай алмады. Америкалық Себастьян Фундорамен жекпе-жекке шыққан кіші Цзю 12 раундтың қорытындысында ұпай санымен жеңілді.
Бокс кеші T-Mobile Arena-да өтті. Фундора Тим Цзюдің WBO чемпиондық белбеуімен бірге вакантты WBC белбеуін де қоса жеңіп алды.
Аустралия атынан шығатын Тим Цзю үшін бұл – мансабындағы алғашқы жеңілісі. Ол бұған дейінгі жекпе-жегінде Брайан Мендесті ұпай санымен жеңген болатын. Ал, Фундор болса дәл сол боксшыдан нокаутпен жеңілген.
29 жастағы Цзюдің еншісінде 24 жеңіс пен 1 жеңіліс бар. Фундора да 1 рет жеңіліп, 22 рет жеңіске жеткен және бір рет тең ойнаған.