Ол француз боксшысына есе жіберді
Болгарияда бокстан өтіп жатан «Странджа» турнирінде екі дүркін Олимпиада чемпионы Хасанбой Дусматов француз боксшысына есе жіберді.
Осылайша өзбекстандық белгілі боксшы дәстүрлі турнирді ширек финалдан аяқтауға мәжбүр болды. Жартылай финал жолдамасын сарапқа салған сында ол франциялық боксшы Кристофер Гиппократтан 4:1 есебімен жеңілді.
Аталған сында 54 келіде сынға түскен қазақстандық Махмұд Сабырхан тамақтан ұшынып, жарысты аяқтауына тура келді. Болгария турнирінде өзбек боксшысымен отандасымыздың кездесуі мүмкін екенін болжанған болатын. Сондай-ақ, әлем чемпионы Санжар Тәшкенбай алғашқы айқасында жарақат алып, қарсыласына жол берді.
Айта кететін жайт, айтулы сында өзбекстандық бірнеше танымал боксшы қазақ спортшыларымен түскен жеребеден кейін жарысқа қатысудан бас тартты. Олардың ішінде Париж Олимпиадасының чемпиондары бар.
