Ол енді Ресейде өтетін оқу-жаттығу жиындарына аттанбақ
Болгариядағы «Странджа» турниріндегі алғашқы жекпе-жегінде қолын жарақаттап алған Санжар Тәшкенбайдың жаттығуға қашан кірісетіні анықталды.
Тәшкенбай ирландиялық Луис Руниге қарсы кездесуде қолын ауыртып, жекпе-жек тоқтаған еді. Алдын-ала болжам бойынша, дәрігерлер оның қолы сынды деген. Бірақ, толық тексерістен кейін оныі қолы сынбағаны, тек шығып кеткені анықталды. Дәрігерлер оның қолын салып берген. Боксшының қазіргі жағдайы жақсы. Ол енді Ресейдің Кисловодск қаласында өтетін оқу-жаттығу жиындарына толық дайын болып барады.
Еске салайық, Санжар Тәшкенбай 2023 жылы Ташкентте өткен әлем чемпионатының жеңімпазы.
