Мейірім Нұрсұлтанов Жәнібек Әлімханұлының екі белбеуіне үміткер бола алады
Қазақстан бокс федерациясының бас хатшысы Мерей Ақшалов інісі, кәсіпқой боксшы Мейірім Нұрсұлтановты IBF және WBO нұсқалары бойынша әлем чемпионы Жәнібек Әлімханұлымен жекпе-жекке шығуына үгіттеп жүргенін айтты.
«Інім көп сөйлей бермейді. Кәсіпқой бокс — бұл бизнес. Мен оған: «Сен кәсіпқой боксшысың, ашық мәлімдеме жаса», — деймін, ал ол: «Мен сөзбен емес, бәрін іспен дәлелдегім келеді», — деп жауап береді. Алдында Жәнібек жекпе-жек өткізгісі келетінін айтты. Мен Мейірімге: «Сен де айт, сен де жекпе-жекке шыққың келетінін көрсет. Турасын айт — «Мен сенімен жұдырықтасқым келеді» деп айт деймін». Мейірім WBC рейтингінде топ-15 қатарында, ол Жәнібектің екі белбеуіне үміткер бола алады. Бұл — бизнес, бұл — спорт. Бұл жекпе-жек қазақстандықтарға шынымен қызықты болар еді», — деді Ақшалов «Бірінші бол» YouTube-арнасына берген сұхбатында.
Айта кетейік, Жәнібек Әлімханұлы бұған дейін WBC тұжырымы бойынша әлем чемпионы Карлос Адамеспен жекпе-жек өткізгісі келетінін бірнеше рет мәлімдеген. Алайда бұл белбеуге тағы бір қазақстандық боксшы — WBC рейтингінің көшбасшысы Мейірім Нұрсұлтанов та үміткер.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
