Өзбекстандық сарапшылар Қазақстанның дайындығына жоғары баға берді
Өзбекстандық сарапшылар Қазақстан құрамасының бокстан әлем чемпионатына дайындығына жоғары баға берді.
Zamin.uz Ұлыбританияның Ливерпуль қаласында өтетін дүбірлі додада Қазақстанды көшбасшылар қатарына қосқан. Басылым 4-14 қыркүйек аралығына жоспарланған аламанның алтынына Қазақстан мен Өзбекстаннан бөлек Куба боксшылары таласады деп пайымдап отыр.
«Бұл чемпионатта дәл осы үш құрама көшбасшылыққа таласады. Қазақстан мен Өзбекстан үздіктерін қосты, ал Куба о бастан мықты қарсылас. Турнир жанкүйерлердің назарын аударып, бокстың дамуына зор ықпал етпек. Екі ел де менмін деген боксшыларын шаршы алаңға шығарады, енді солардың қайсысы оқ бойы озып шығатыны бәріне қызық», – деп жазады басылым.
Айта кетейік, World Boxing аясында өтетін әлем чемпионатына төрткүл дүниенің кіл мықты деген былғары қолғап шеберлері қатысады. Жанкүйерлер қазақстандық боксшылардан жарқын жеңістер күтеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
