Ол ақтөбелік ұжым сапын толықтыруы мүмкін.
Португалияның танымал спорт басылымы A Bola өзінің X (бұрынғы Twitter) парақшасында Португалия ұлттық құрамасының бұрынғы ойыншысы Нанидің «Ақтөбеге» ауысуына қатысты мәлімдеме жасады.
Дереккөз мәліметінше, бір кездері «Манчестер Юнайтед», «Спортинг», «Фенербахче», «Валенсия» секілді алпауыт клубтардың намысын қорғаған тәжірибелі жартылай қорғаушы жақын арада Қазақстанға келіп, келіссөздердің соңғы кезеңін өткізуді жоспарлап отыр.
Айта кетейік, 2024 жылы Нани кәсіби футболшы ретінде мансабын аяқтағанын ресми түрде жариялаған болатын. Алайда тараптар арасындағы келісімде оның Қазақстан чемпионатында алаңға шығу мүмкіндігі қарастырылып отыр.
«Нани Қазақстанға аттануға дайындалып жатыр, бутсыларын да ала кеткен. Әзірге оның елдегі ең ірі клубтардың бірі «Ақтөбенің» ұсынысын қабылдайды деп нақты айту қиын. Дегенмен Наниді Қазақстан чемпионатында көріп қалуымыз әбден мүмкін», – деп жазады A Bola.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
