Абдукодир Хусанов Азияның үздік футболшысы атанды

YouTube-тағы «МЯЧ Production» арнасының жаңа шығарылымында әр құрлықтың үздік футболшылары анықталды. Бағдарлама жүргізушісі Александр Журавлев Азияның үздік ойыншысы ретінде күтпеген, бірақ дәлелді таңдау жасап, Абдукодир Хусанов есімін атады.

Азия құрлығындағы үздікті анықтау барысында Журавлев біраз ойланғанын жасырмады. Оның айтуынша, Сон Хын Мин бұрынғыдай жарқырап көрінбей кетті, ал жапониялық талант Такефуса Кубо соңғы турларда қарқынын бәсеңдеткен.

«Атау қиын, өйткені Сон бұрынғы деңгейінде емес, Кубо мықты, бірақ соңғы уақытта сәл төмендеді. Сондықтан – Хусанов. Дәл қазір ол Азиядағы ең үздік ойыншы. "Ман Сити" сапында ойнайды және алаңға шыққанда нәтижесін беріп жүр», — деді Александр Журавлев.

«МЯЧ Production» нұсқасы бойынша құрлықтар үздіктері:

• Еуропа: Килиан Мбаппе

• Африка: Ашраф Хакими

• Оңтүстік Америка: Рафинья

• Солтүстік Америка: Кристиан Пулишич

• Азия: Абдукодир Хусанов

Абдукодир Хусановтің құрлықтағы үздік атануы жай ғана аванс емес. Оның Англия Премьер-лигасындағы статистикасы бұл атаққа толық негіз бар екенін көрсетеді.

Өзбекстандық қорғаушының Манчестер Сити құрамына ауысуы өткен трансферлік кезеңдегі басты сенсациялардың бірі болды. Команданың негізгі қорғаушылары — Рубен Диаш пен Йошко Гвардиол жарақат алғаннан кейін Хусановқа негізгі құрамнан орын ашылды.

Жас қорғаушы берілген мүмкіндікті толық пайдаланды: ол қатарынан 12 матчта негізгі құрамда алаңға шықты. Допты тартып алудағы сенімділігі, прессингтен суырылып шығудағы салқынқандылығы және физикалық қуаты оны «қалалықтардың» осы маусымдағы ең тұрақты ойыншыларының біріне айналдырды.