Кездесу 28 наурызда өтеді.
Қазақстандық боксшы Дулат Бекбауов WBC Greater Turan аймақтық белбеуі үшін титулдық жекпе-жек өткізеді.
Оның қарсыласы - өзбекстандық Абдурасул Исмоилов. Белбеу сарапқа салынатын кездесу 28 наурыз күні Тараз қаласында өтетін бокс кешінде ұйымдастырылады.
Промоушен мәліметінше, бұл айқас 10 раундқа жоспарланған.
«Дулат Бекбауов (2-0, 2 KO) пен Абдурасул Исмоилов (11-3-1, 7 KO) арасындағы жекпе-жекте WBC Greater Turan титулы сарапқа салынады», - делінген Rdproboxing таратқан хабарламада.
Айта кетейік, Дулат Бекбауов әуесқой бокста жоғары нәтижелерге қол жеткізген. Оның ең үлкен жетістігі - 2023 жылы Ташкент қаласында өткен әлем чемпионатындағы күміс жүлде. Сонымен қатар ол Азия чемпионатында екі мәрте күміс медаль иеленген (2022, 2024).
Қазақстандық боксшы кәсіпқой рингтегі алғашқы жекпе-жегін 2025 жылдың шілдесінде өткізді. Ал сол жылдың желтоқсанында Алматыда өткен кездесуде өзбекстандық Хасанбой Мирзахамраевты үшінші раундта нокаутпен жеңген.
Абдурасул Исмоилов - халықаралық деңгейде жиі өнер көрсетіп жүрген былғары қолғап шебері. Ол Ресей, Вьетнам, Оңтүстік Корея және Қытайдағы турнирлерге қатысқан. Соңғы жекпе-жегін 2025 жылдың ақпанында Мәскеуде өткізіп, ресейлік Артур Субханкуловпен WBA Asia белбеуі үшін жұдырықтасқан. Алайда қарсыласына жол берді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
