«Астана» сырт алаңда ақтаулық «Каспийден» 0:1 есебімен жеңіліп қалды
Қазақстан Премьер-лигасының кезекті турында «Астана» сырт алаңда ақтаулық «Каспийден» 0:1 есебімен жеңіліп қалды. Кездесуден кейін елордалық клубтың бас бапкері Григорий Бабаян матчқа қатысты пікір білдірді.
«Нәтижеге көңіліміз толмайды. 17-минуттан бастап біз бір ойыншымен аз құрамда қалдық — біздің ойымызша, қызыл қағаз беру туралы шешім даулы болды. Соған қарамастан, мұндай жағдайда да команда бұл ойынды жеңіске жеткізуге міндетті еді. Жігіттер мінез көрсетті: соңына дейін күресті, гол соғатын сәттер жасады, қорғаныста тәртіпті әрі сапалы ойнады. Бірақ шешуші эпизодтарда бізге салқынқандылық пен дәлдік жетіспеді. Ойынның соңғы бөлігі нағыз драмалық сипат алды: пенальтиді жүзеге асыра алмадық, одан кейін автогол жіберіп алдық. Бұл – ауыр соққы, бірақ мұндай матчтар кейде шын мәнінде жолың болмай қалған кезде де болады. Ойын қиын өрбіді, бәрі жекелеген сәттерде шешілді. Біз барлық қателіктерімізді талдаймыз және келесі матчқа сапалы түрде дайындалуымыз керек», – деді Григорий Бабаян.
Сегіз турдан кейін «Астана» 12 ұпаймен турнир кестесінің алтыншы сатысында тұр. Ал «Каспий» төрт ұпай жинап, ҚПЛ кестесінің соңғы, 16-орнын иеленіп келеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
