Мбаппе Дембелемен арада кикілжің болғанын жоққа шығарды
«Реал» шабуылшысы Килиан Мбаппе «Алтын доп» жүлдесіне қатысты пікірінен кейін Усман Дембелемен арада түсініспеушілік пайда болды деген ақпаратқа жауап берді.
Бұған дейін Мбаппе «Алтын доп» үшін күрес туралы сөз қозғап, Дембелені ұзақ уақыт бойы «талантты ойыншы» ретінде қабылдағанын, ал өзін «таңдаулы» футболшы санағанын айтқан еді. Бұл сөздерден кейін «ПСЖ» шабуылшысы өз мансабында ерекше мәртебеге ие болмағанын, керісінше, үнемі көп еңбектенгенін мәлімдеді.
Осы пікірлерден кейін футболшылардың қарым-қатынасына қатысты түрлі болжам тарады. Алайда Мбаппе Дембелемен бұл мәселені жеке талқылағанын және араларында ешқандай реніш жоқ екенін айтты.
«Мен бұл туралы онымен сөйлестім. Ешқандай шиеленіс жоқ, ол – менің досым. Шын мәнінде, осы жағдайға байланысты ешқандай мәселе жоқ. Мен толықтай сабырлымын. Ал Ұлттар лигасы мен Франция құрамасындағы ойындарға келсек, мұндай кезеңде әрдайым пікірталас тудыратын тақырып табылады. Меніңше, бұл жолы да сол жағдай орын алды», – деді Мбаппе.
Осылайша, француз футболшысы Дембеленің сөздерінен кейін олардың арасында кикілжің болғаны туралы ақпаратты жоққа шығарды.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Ертіс
Қызылжар
Қайсар
Атырау
Алтай
Жетісу
