«Шахтердің» бас бапкері қызметінен бас тартты

02.04.2024, 19:52

Оның міндетін Андрей Финонченко атқарады

«Шахтердің» бас бапкері қызметінен бас тартты
Шахтер ФК

Қарағандылық «Шахтер» футбол клубының бас бапкері Игорь Солошенко өз еркімен қызметінен кетті.

Команданың баспасөз қызметі мәліметінше, Игорь Солошенко 1996-2013 жылдарда кәсіби футболда қазақстандық «Шахтер», «Жеңіс», «Тобыл», «Ертіс», «Оқжетпес», «Ақжайық» командаларында қорғаушы болып ойнаған. Ал ұлттық құрама қатарында 1998-2005 жылдарда жасыл алаңда доп тепті.

Ол 2015 жылдан «Шахтер» сапында спорт директоры қызметін атқарса, одан кейін бапкер болды. 2020-2023 жылдарда «Шахтер-Болат» клубында бас бапкері ретінде жұмыс істеді.

Игорь Солошенко былтырдан бері «Шахтердің» тізгінін ұстап, ел біріншілігінде команда 11-орынға тұрақтады. Осылайша кеншілер өлкесінің клубын Премьер-лигада алып қалды.

Өкінішке қарай, қарағандылық клуб чемпионат басталғалы бері 3 турдан кейін еш ұпайға қол жеткізе алмай лотыр. Осылайша "Шахтер" турнир кестесінде ең соңғы орында келеді.

Осыдан бастап «Шахтердің» бас бапкері міндетін ары қарай Андрей Финонченко атқармақ.

×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! Қонақта Марат Достаев пен Алдияр Жапарханов