Жаңа конкурс! Видеоны көріп, конкурстың шартымен танысып 5000 теңге ұтып ал!

«Жанкүйер болу – қылмыс емес»: ақтөбелік фанаттар акция бастады

30.04.2024, 11:34

«Ақтөбе» фанаттары 15 тәулікке қамалған

«Жанкүйер болу – қылмыс емес»: ақтөбелік фанаттар акция бастады
Ақтөбе ФК

Футболдан Қазақстан чемпионатының бесінші турында «Қайратпен» кездескен «Ақтөбе» 3:1 есебімен жеңіске жеткен болатын. Осы ойында балағат сөздер айтып, қоғамдық тәртіпті бұзған ақтөбелік бірнеше жанкүйерді полиция ұстап қамаса, тағы бірнешеуіне айыппұл салды. Осы жайттан кейін Ақтөбеде «Жанкүйер болу – қылмыс емес» деген ұранмен фанаттардың акциясы басталды.

Instagram желісіндегі «Матч.кз» парақшасының жазуынша, аталған акцияны «Қайраттың» жанкүйерлері де қолдап, өз беттерінше ұран тастауда.

Айта кетейік, қос команда арасындағы ойындардың көбі әдетте жанкүйерлердің төбелесімен аяқталатын. Бұл жолы ақтөбелік фанаттар Алматыдағы метро станцияларының бірінде жанкүйерлік рәсімін өткізіп, қала көшелерімен жүріп өткен. Дегенмен, тәртіпсіздіктерге барған жоқ.

Ал, ҚПЛ-дың алтыншы турында екеуі де жеңіліп қалды. «Қайрат» сырт алаңда «Қайсардан» 0:1 есебімен ұтылса, «Ақтөбе» Талдықорғанда «Жетісуға» жол берді.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам