![«Мақтаарал» футболшылары 2024 жыл басталғалы жалақы алмаған – журналист](https://1bol.kz/cache/imagine/1200/uploads/news/2024/05/25/6651b24786a74930377803.jpg)
«Жетісай» клубында да қаржылық қиындық көп
Спорт журналисі Владимир Жарковтың мәліметінше, «Мақтаарал» футбол клубының ойыншылары жыл басталғалы бері әліге дейін жалақы алмаған. Бұл туралы ол өзінің Telegram-каналында жазды.
Соған қарамастан қазір «Мақтаарал» Екінші лиганың Оңтүстік-Батыс конференциясында көшбасшылар қатарында келеді.
Клубтағы қаржылай қиындық туралы былтырдан бері айтылып келеді. Түркістан облысының командасы өткен жылы ҚПЛ-де өнер көрсетіп, негізгі лигада қалған болатын. Алайда, ақшаның жоқтығынан мақтааралдықтар жарысты жалғастыра алмады. Енді биыл төменгі лигада өнер көрсетуде.