Өзбек футболшысы сағатына 5,4 миллион сум ақша алады
«Манчестер Сити» клубы мен Өзбекстан құрамасының қорғаушысы Абдукодир Хусанов ақпан айында қанша табыс тапқаны анықталды.
Хусановтың «Манчестер Сити» клубындағы жылдық табысы 47,256 миллиард сум (1 757 225 546,94 теңге) болған. Яғни бұл айына 3,9 миллиард сум болса (145 022 423,25 теңге), аптасына 908 миллион сум (33 764 194,95 теңге) және күніне 131 миллион сум (4 871 266,01 теңге) деген сөз.
Уақыт бойынша есептесек:
* Сағатына табысы – 5,4 миллион сум (200 800,28 теңге).
* Минутына – 91 157 сум (3 389,69 теңге).
* Секундына – 1 519 сум (56,48 теңге).
21 жастағы Хусанов «Манчестер Сити» клубына француздың «Лансынан» қаңтар айында ауысты. Оның келісімшарты 2029 жылғы 30 маусымға дейін есептелген.
Келісімшарт құны 40 миллион еуроны құрайды. Әзірге ол АПЛ-да төрт ойынға қатысты.
