Оқырманның махаббаты. Моншадағы кездесу. Қызқұмар футболистер – ЖБ оқиға

«Тәуекел етудемін»: Жәнібек Әлімханұлы үшінші белбеу үшін қандай қадамға дайын екенін айтты

Бүгін, 14:02

Бірақ жарты жолдан қайтатын мен емес

«Тәуекел етудемін»: Жәнібек Әлімханұлы үшінші белбеу үшін қандай қадамға дайын екенін айтты
Getty Images

Орта салмақта WBO және IBF тұжырымдары бойынша әлем чемпионы Жәнібек Әлімханұлы (17-0, 12 KO) алдағы мақсатына қатысты мәлімдеме жасады.

«Қазақ стилі» үшінші белбеуге қол жеткізу үшін тырысып жатқанын алға тартты».

«Белес бағындыру үшін адамға тәуекел керек! Құр тәуекел де жеткіліксіз! Шың жолында сабырлық, табандылық және шыдамдылық қоса қажет. Қазір мен үшінші белбеу шыңына беттеп барамын! Тәжірибе бар, тәуекел етудемін! Енді сабырлық пен табандылық режимін қосуым керек!» - деп жазды боксшы өзінің парақшасында.

Жәнібек басты мақсаты абсолютті әлем чемпионы атану екенін тағы еске салды.

«Осы жолда әртүрлі қиындықтар кезігуде. Оңай жерде белбеу жоқ. Бірақ жарты жолдан қайтатын мен емес! Күш бар, мақсат айқын! Көрінген таудың алыстығы жоқ!  Құдай қаласа, 4 белбеу шыңын бағындырып, көк туды желбіретіп тұрып тарих жасаймыз! Әрнәрсе болу керек уақытында болады! Сабырлы жетер мұратқа!» - деп түйіндеді сөзін ол.

Айта кетейік, Жәнібектің соңғы жекпе-жегі биыл сәуір айында Астанада өтті. Ол кезде қазақстандық боксшы француз спортшысы Анауэль Нгамиссенгені бесінші раундта мерзімінен бұрын жеңген болатын.

Бұл туралы не ойлайсыз?
Ұнайды 1
Ұнамайды 0
Күлкілі 0
Ашулану 0
×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам