Мунир Насрауи: Жолдарың болды, себебі ол әлі небәрі 18-ақ жаста
«Барселонаның» жас жұлдызы Ламин Ямальдің әкесі Мунир Насрауи Ла Лиганың 10-турында каталониялықтардың «Реалдан» (1:2) жеңілісінен соң әлеуметтік желіде пікір білдірді.
Насрауи өз жазбасында жанкүйерлер мен қарсылас тарапқа былай деп үн қатқан:
«Жолдарың болды, себебі ол әлі небәрі 18-ақ жаста. Енді «Барселонада» жолығамыз».
Бір қызығы, Эль-Класико басталардан бір сағат бұрын да Ямальдің әкесі әзіл-қалжың аралас аспаздық стрим өткізіп, оны:
«Мен осында қабырға қуырып жатырмын, ал ұлым сол жақта оларды қуырып жатыр», - деп атаған.
Ойыннан кейін «Реал» турнир кестесіндегі көшбасшылық орнын нығайтты, олардың еншісінде 27 ұпай бар. Ал «Барселона» 22 ұпаймен екінші орында қалды.