Стадионды сертификаттау жұмыстары үш жылдан бері жүргізіліп келеді
«Елімай» футбол клубының директорлар кеңесінің мүшесі Асқар Ұранхаев Семей қаласының Конференция лигасы ойындарын өткізуге дайындығы мен соңғы жылдары жергілікті стадионда атқарылған ауқымды жұмыстар туралы айтып берді.
«Біз Конференция лигасының алғашқы іріктеу кезеңін Семейде қабылдаймыз. Стадионды сертификаттау жұмыстары үш жылдан бері жүргізіліп келеді және әлі де жалғасып жатыр. Осы уақыт ішінде стадионның ішкі бөлмелері толық жөнделді, жаңа электронды табло орнатылды, заманауи LED-бордтар қойылды. Трибунадағы орындар саны еурокубок талаптарына толық сәйкес келеді. Сонымен қатар, жанкүйерлердің ыңғайлы кіруі үшін бірнеше көше арқылы кіреберіс жолдар мен қақпалар жасалды, автотұрақтар кеңейтілді. Барлық қажетті нысандар – киім ауыстыру бөлмелері, медиа-аймақ және басқа да инфрақұрылым халықаралық стандарттарға сәйкестендірілуде», – деді Ұранхаев.
Клуб өкілінің айтуынша, Семейдегі футбол алаңы табиғи көгалдан тұрады және оның сапасына күмән жоқ. Газонды күтіп-баптау жүйесі жоғары деңгейде ұйымдастырылған, ал келесі маусымға дейін оны одан әрі жақсарту жоспарда бар.
«Біз өз облыс тұрғындарынан және әкім Берік Уәлиден үлкен қолдау алдық. Енді клуб басшылығы ретінде біз бар күшімізді салып, еурокубок ойындарын өз жерімізде – Семейде қабылдауға барынша дайын боламыз», – деді Асқар Ұранхаев.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
