Ол жанкүйерлердің пікірін де сұраған.
«Қазақ терминаторы» лақап атымен танымал қазақстандық файтер Мұратбек Қасымбай (13-4) қырғызстандық жекпе-жек шебері Марсель Нурланбек уулуын (14-0) жекпе-жекке шақырды.
Қасымбай Instagram парақшасында ықтимал айқастың постерін жариялап, жанкүйерлерден бұл кездесу қаншалықты қызық болатынын сұраған.
«Сен қашатын қарсыласың мен боламын», - деді қазақстандық спортшы.
Марсель де қарап қалмай:
«Егер жекпе-жек кезінде бір қадам артқа шегінсем, «тұрыста әлсізсің» деп айта беріңіздер», - деп жауап қатты.
Еске сала кетейік, осыдан екі күн бұрын Арменияның Ереван қаласында өткен Hype FC 28 турнирінде Марсель Нурланбек уулу қазақстандық Еркебұлан Тоқтарды (11-3) сенсациялық түрде жеңген еді. Жекпе-жек бокс ережесімен, бірақ ММА қолғаптарымен өтті және төрешілердің ортақ шешімімен қырғыз файтері жеңіске жетті.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
