Бұл Арман Царукянның UFC-дегі қатарынан алтыншы жеңісі болды
Лос-Анджелесте өткен UFC 331 турниріне қатысқан спортшылардың кепілдендірілген гонорарлары жарияланды. Маурисио Руффиді бірінші раундта нокаутқа түсірген Арман Царукян кештегі ең ірі төлемдердің біріне ие болды.
Царукян октагонға шығып, жекпе-жек өткізгені үшін 350 мың доллар алды. Бұл шамамен 156,3 миллион теңгеге тең. Оның келісімінде жеңіске арналған жеке төлем қарастырылмаған.
Маурисио Руффиге 110 мың доллар немесе 49,1 миллион теңге кепілдендірілген. Бразилиялық спортшы жеңіске жеткен жағдайда тағы 110 мың доллар алуға тиіс еді. Алайда жеңіліске ұшырағандықтан, қосымша төлемсіз қалды.
Жарияланған мәлімет бойынша, ең жоғары кепілдендірілген гонорар Александр Пантожаға тиесілі. Оған 650 мың доллар, яғни шамамен 290,3 миллион теңге төленді. Негізгі жекпе-жектегі қарсыласы Джошуа Ван 500 мың доллар немесе 223,3 миллион теңге алды.
Бұл сандарға UFC тарапынан берілетін қосымша төлемдер мен бонустар кірмейді. Царукян «Кештің үздік өнері» аталымы бойынша бонусқа ие болды. Ал Пантожа мен Ванның кездесуі «Кештің үздік жекпе-жегі» деп танылды.
Царукян Руффимен өткен айқасты бірінші раундтың аяқталуына төрт секунд қалғанда түйіндеді. Ол қарсыласына шынтақпен екі рет дәл соққы жасап, нокаутқа түсірді. Төреші жекпе-жекті 4 минут 56 секундта тоқтатты.
Бұл Арман Царукянның UFC-дегі қатарынан алтыншы жеңісі болды.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Ертіс
Қызылжар
Қайсар
Атырау
Алтай
Жетісу
