Екі әйелі бар қазақстандық UFC файтері спорттық мансабын аяқтамақ

14.11.2023, 13:59

Жалғас Жұмағұлов үлкен нәтиежерге қол жеткізе алмады

Екі әйелі бар қазақстандық UFC файтері спорттық мансабын аяқтамақ
Instagram

Қазақстандық файтер Жалғас Жұмағұлов жақын уақытта спорттық мансабын аяқтауы мүмкін. Бұл туралы спортшының өзі Naiza TV-ға берген сұхбатында айтты.

«Қазір мен мансабымды аяқтау сатысында жүрмін. Шамасы бәріне тойған секілдімін. Қалаймын ба, жоқ әлде қаламаймын ба ол жағын өзім де білмеймін. Денсаулығыма қатысты ешқандай мәселе жоқ», - деді ол жауабында.

Спортшының айтуынша, қазір ол жаттығу залдарында жастарды баптап жүр. Ол сондай-ақ, UFC-дегі аяқалысы туралы сауалға жауап берді.

«Бастапқыда тактика басқаша еді. Салмақ қууда да көптеген мәселе туындады. Мен UFC-ге дейін бес раундтық төбелеске дағдыландым. Кейін UFC-ге ауысқан соң 3 раундықтық айқастар басталды. Алайда, бұл лигада ашыла алмадым. Өте ауыр болды. Өйткені, бесеуден кейін 3 раунда ауысу оңай емес», - деді Жалғас Жұмағұлов.

Спортшының екі әйелі бар. Қазір екеуімен де тату-тәтті тұрып жатыр.

«Менің екі әйелім бар. Жеті бала тәрбиелеп отырмын. Екі үлкен ұлым мен 5 қызым бар. Әйелдерім бір-бірін таниды. Қандай жағдай болмасын олар бір-бірімен араласпайды, түптеп келгенде қарсылас секілді. Бұл солай болуы керек дүние. Қызғаныш болуы керек қой. Егер ол болмаса, жақсы нәрсе емес. Демек, әйелеріңнің бірі сені сүймейді деген сөз», - деді ол.

Таяуда Naiza лигасымен келісім-шартқа отырған ол 6 желтоқсанда айқасқа шығады. Жалғас Жұмағұлов бразилиялық Яго Рибейромен күш сынаспақ.

Бұл туралы не ойлайсыз?
Ұнайды 0
Ұнамайды 0
Күлкілі 0
Ашулану 0

Материалда:

×
Жаңалықтар Футбол Хоккей Бокс MMA Теннис Баскетбол Ұлттық спорт
Марат Достаевпен Подкаст. Неге ҚФФ Медиалигаға тыйым салмайды?