Ол соңғы рет 2023 жылдың желтоқсан айында октагонға шыққан болатын
UFC лигасында жартылай орта салмақта өнер көрсететін қазақстандық Шавкат Рахмонов (18-0) биыл әлем чемпионы атағы үшін жекпе-жек өткізуге лайық екенін мәлімдеді. Ол қазір әлемдің рейтингте үшінші орында тұрса, чемпиондық титул Белал Мұхаммедке (24-3) тиесілі.
Белал Мұхаммед жуырда MMA Junkie-ге берген сұхбатында биыл 7 желтоқсанда чемпиондық атағын қорғайтынын мәлімдеген болатын. Ол өзіне қарсылас ретінде қазақ файтері Шавкат Рахмоновты немесе нигериялық Камару Усманды (20-4) қарастыратынын айтты.
Шавкат болса Белалдың ойланатын жайы жоқ деген пікірде. Өйткені, Камару Усман соңғы үш жекпе-жегінде жеңіліп қалған. Ал, қазақ файтері 18 жекпе-жектің бәрінде мезгілінен бұрын жеңіске жетіп келеді.
«18-0 рекорды және мезгілінен бұрын 100% жеңіс пе, әлде соңғы үш жекпе-жектегі жеңіліс пе? Менің ойымша, титул үшін келесі кім төбелеседі деген сұрақ туындамауы керек», - деп жазды Рахмонов X әлеуметтік желісінде.
Еске салайық, Шавкат Рахмонов былтыр желтоқсан айында америкалық Стивен Томпсонды жеңгеннен кейін октагонға әлі шыққан жоқ.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Қызылжар
Атырау
Ертіс
Қайсар
Алтай
Жетісу
