Ол Ирландия президенті болуға талпынатынын да жасырған жоқ
UFC-дің экс-чемпионы ирландиялық Конор Макгрегор өз елінің билігін қатаң сынады. Себеп – Ирландия үкіметінің миграциялық саясаты. Спортшының айтуынша, елге мигранттардың ағылып келуі салдарынан жергілікті ұлттың салты мен дәстүрі жойылып барады.
Мұндай мәлімдемені Макгрегор Вашингтонда Әулие Патрик күнін (Ирландия халқының ұлттық мерекесі – авт.) атап өтуге арналған жиында айтты.
«Біздің үкімет – әрекетсіз үкімет, мүлдем жауапкершілікті сезінбейтін үкімет. Ирландия халқының ақшасы шетелдік проблемаларды шешуге жұмсалып жатыр, ал осы уақытта заңсыз миграция біздің елді құндылықтарынан айыруда», - деді UFC-дің экс-чемпионы.
Айта кетейік, Таяу Шығыстан және Африканың солтүстік елдерінен ағылған миилиондаған мигрант Еуропаның көптеген еліне қоныс аударды. Олардың арасында Ирландия да бар. Еуроодақ басшылары мұны гуманизм десе, жергілікті халықтар мигранттардың көшіне қарсылық білдіріп келеді.
Конор Макгрегор – UFC-дің жартылай жеңіл салмағында әлем чемпионы атанған ирландиялық файтер. 2018 жылы дағыстандық Хабиб Нурмагомедовтен жеңіліп, титулынан айрылды.
Былтыр Макгрегор Ирландия президентінің сайлауына өз кандидатурасын ұсынатынын мәлімдеген болатын.
