Қазақ жауынгері өзбек файтерімен жекпе-жекке шығуы тиіс болған
Аралас жекпе-жек саласындағы танымал инсайдер, Eurosport Nederland журналисі әрі Tapology.com сайтының редакторы Марсель Дорфф Sports.kz порталына берген сұхбатында қазақстандық Асу Алмабаевпен (21-3) кездесетін перулік Хосе Очоаның (8-1) мықты тұстары қайсы екенін атап өтті.
«Очоаның соққылары өте мықты. Сондай-ақ, оның кардио жаттығуын да ерекше атап өту керек. Одан қалды, ол партерде де тәп-тәуір жұмыс істейді. Сондықтан бұл өте тартысты жекпе-жек болады деп ойлаймын», - деді сарапшы.
Еске сала кетейік, Асу Алмабаев 26 шілдеде Абу-Дабиде өтетін UFC on ABC 9 турнирінде Хосе Очоамен кездеседі. Бұған дейін Алмабаев өзбекстандық Рамазан Темировпен жекпе-жек өткізуі тиіс болатын, алайда қарсыласы турнирге екі апта қалғанда жекпе-жектен бас тартты.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
