Хайпты жақсы көретін, танымал спортшы
OCTAGON ұйымының президенті әрі UFC-дегі қазақстандық жауынгерлердің менеджері Нұраддин Садықов «Спорт Шредингерге» берген сұхбатында Бекзат Алмаханның келесі жекпе-жегі өтетін күн анықталғанын айтты.
«Бекзаттың жекпе-жегі өтетін күн де, қарсыласы да анықталды. Хайпты жақсы көретін, танымал спортшы. Бізге кеше ғана ұсыныс түсті, бірден келістік. Енді қарсы тараптың келісімін және ресми жариялануын күтіп отырмыз», – деді ол.
Сонымен қатар менеджер бастапқы жоспар қатысты өзгерістер болғанын атап өтті:
«Күнді біз таңдаған жоқпыз, локация да басқа. Бірақ қарсылас өте қызықты. Ресми мәлімдемені күтіңіздер!».
Бұған дейін отандық спортшы қазан айында жекпе-жекке шығатыны туралы ақпарат пайда болған, дегенмен күні нақтыланбап еді. Ал қазан айында өтетіні нақтыланған екі турнир бар:
UFC 320 — 4 қазан, Лас-Вегас (АҚШ)
UFC Fight Night — 18 қазан, Ванкувер (Канада)
Еске сала кетсек, UFC 315 турнирінде Бекзат Алмахан TUF экс-чемпионы Брэд Катонды кездескен болатын. Жеңіл салмақтағы үш раундқа есептелген кездесу небәрі 64 секундта аяқталып, 27 жастағы Алмаханның жеңісімен аяқталды. Ол қарсыласын дәл соққымен нокдаунға жіберіп, жекпе-жекті уақытынан бұрын тоқтатуға мәжбүр етті.
Бұл Бекзаттың кәсіби мансабындағы 12-жеңісі болатын, ал UFC-дегі рекорды – 1 жеңіс, 1 жеңіліс.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
