Азат Мақсұм UFC ұйымынан шығарылды
Жеңіл салмақта өнер көрсететін қазақстандық Азат Мақсұм (15-3) UFC ұйымының спортшылары тізімінен шығарылды.
Мақсұм Абу-Дабиде (БАӘ) өткен UFC 321 турнирінде америкалық Митч Рапосоға (9-3) қарсы жекпе-жек өткізді. Кездесуде фаворит саналған қазақстандық спортшы төрешілердің ортақ шешімімен (26-30, 27-29, 27-29) жеңілді.
Бұл UFC-де төрт жекпе-жек өткізген Мақсұмның үшінші жеңілісі болды. Осы нәтижеден кейін оның есімі UFC-дің ресми тізімінен алынып тасталды.
«Шығарылған спортшы: Азат Мақсұм», – деп жазды Half The Battle Podcast подкастының жүргізушісі Дэниел Леви.
Айта кетейік, төрешілер Тони Уикс пен Клеменс Вернер кездесуді 29-27 есебімен америкалық спортшының пайдасына бағаласа, Бен Картлидж 30-26 ұпай беріп, барлық раундта Рапосо басым болды деп санады. Үшінші раундта төреші қазақстандық спортшыдан бір ұпай шегерген болатын.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
