Ол финалдық кездесудің аяқталуына 7 секунд қалғанда жеңіске жетті
ІВА президенті Умар Кремлев 23 жасқа дейінгі балуандар арасындағы Еуропа чемпионатында ерекше әдіс жасаған ресейлік балуанға қымбат көлік сыйлады.
Сербияның Зренянин қаласында өткен Еуропа біріншілігінде еркін күрес шебері Бозигит Исламгереев чемпион атанған еді. Ол финалдық кездесудің аяқталуына 7 секунд қалғанда 5:8 есебімен жеңіліп жатып, аса күрделі 4 ұпайлық әдіс жасап, жеңіске жетті. Осылайша ол француз балуанынан айласын асырып, жанкүйерлердің ерекше ықыласына бөленді.
Чемпионаттан оралған балуанға ІВА басшысы автосалонға арнайы барып, көліктің кілтін табыстаған сәтін әлеуметтік желіде жариялады.
ІВА президенті бұған дейін Ресейдің күрес федерациясының қамқоршылық кеңесінің құрамына енген болатын. Ол спортшыларды қолдауды әлем бойынша жүзеге асыруды көздейтінін мәлімдеген. Сонымен қатар, ІВА өткен жылы Дубайда өткен әлем чемпионатында жүлде алған боксшыларға қомақты ақшалай сыйақы табыстады: чемпион — 300 мың АҚШ доллары, күміс жүлдегер — 150 мың, қола жүлдегер — 75 мың доллар алды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
