Ел біріншілігі Таразда өтті.
Тараз қаласында күрес түрлерінен 15 жасқа дейінгі және 23 жасқа дейінгі балуандар арасында Қазақстан чемпионаты өз мәресіне жетті. Турнирдің басты оқиғасы деп әлем чемпионы Ризабек Айтмұханның жаңа салмақ дәрежесінде өнер көрсетуін айтуға болады.
Бұған дейін 97 келіге дейінгі салмақта күрескен Айтмұхан бұл жолы 125 келіге дейінгі категорияда бақ сынап көрді. Елордалық балуанның жаңа салмақтағы дебюті сәтті өтіп, финалға дейін сенімді жетті.
Ал шешуші белдесуде ол Ақтөбе облысының өкілі Әлімжан Сәлімжанмен кездесті. Айтмұхан қарсыласын 11:0 есебімен мерзімінен бұрын жеңіп, жаңа салмақта да өзінің жоғары деңгейін дәлелдеді.
Айта кетейік, Ризабек Айтмұхан 2023 жылдың ақпанында - небәрі 18 жасында ересектер арасында Қазақстан чемпионы атанса, сол жылдың қыркүйегінде еркін күрестен елімізден шыққан алғашқы әлем чемпионы атанған еді. Сонымен қатар ол Азия чемпионаттарының үш дүркін күміс жүлдегері.
27 наурызда Айтмұхан Ташкентте өтетін PWL 11 турнирінде бақ сынайды, бірақ ол кезде үйреншікті 97 келі салмақта өнер көрсетеді. Жерлесіміздің қарсыласы - ресейлік Алихан Кцоев.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
