Ол ММА-дегі келесі жекпе-жегі мансабындағы соңғы кездесу болатынын мәлімдеді
UFC-дің екі салмақ дәрежесіндегі бұрынғы чемпионы, ирландиялық Конор Макгрегор кәсіби мансабын аяқтауға ниетті екенін мәлімдеді. Оның айтуынша, аралас жекпе-жек ережесі бойынша октагонға келесі шығуы мансабындағы соңғы кездесу болады.
Макгрегор бұл туралы X әлеуметтік желісіндегі парақшасында жазды. Ол өз жекпе-жектерінің коммерциялық көрсеткіштері басқа танымал боксшылардан әлдеқайда жоғары екенін айтып, соңғы кездесуін жарнамалауға бар күшін салатынын жеткізді.
«Канелоның жекпе-жегін қанша адам тамашалады? Аренаға қанша көрермен жиналды? Қанша табыс әкелді? Мен билет сатылымы жағынан олардың бәрінен әлдеқайда жоғарымын. Оның үстіне, бұған аса күш салмай-ақ жетемін. Бәлкім, бәрін қосқанда да менен асып түсе алмайтын шығар.
Менің соңғы жекпе-жегім футболдан әлем чемпионатының жартылай финалымен тұспа-тұс келді. Соған қарамастан, сол кездесудің өзі жақсы көрсеткіш көрсетті. Енді келесі жекпе-жегіме дейін тағы бірнеше ай күтуіме тура келеді.
Соңғы жекпе-жегімде кездесуді барынша жақсы жарнамалауға тырысамын. Қандай көрсеткішке қол жеткізе алатынымды көрейік. Өз рекордтарымды жаңарта беремін», – деп жазды Макгрегор.
Айта кетейік, ирландиялық файтер соңғы рет биыл шілдеде Лас-Вегаста өткен UFC 329 турнирінде октагонға шыққан. Ол америкалық Макс Холлоуэймен кездесуде бірінші раундта тізесінен жарақат алып, техникалық нокаутпен жеңілген.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Қызылжар
Каспий
Ертіс
Атырау
Алтай
Жетісу
Қайсар
