Жаңа конкурс! Видеоны көріп, конкурстың шартымен танысып 5000 теңге ұтып ал!

Азамат Дәулетбеков үш дүркін Азия чемпионы атанды

12.04.2024, 18:49

Ол 2022 және 2023 жылдары да құрлық чемпионы атанған

Азамат Дәулетбеков үш дүркін Азия чемпионы атанды
olympic.kz

Бішкекте өтіп жатқан Азия чемпионатының финалында Азамат Дәулетбеков жеңіске жетті. 

Ол шешуші сәтте Өзбекстан балуаны Жабраил Шапиевпен күресіп, 5:1 есебімен басым түсті.

Дәулетбеков бүгінгі жарысты ширек финалдан бастап, Иран балуанын 3:1 есебімен жеңді. Сондай-ақ, жартылай финалда қытай өкілін 11:0 уақытынан бұрын ұтты.

Азамат Дәулетбеков осымен Азия біріншілігін үшінші рет ұтып отыр. Ол осыған дейін 2022 жылы – Ұлан-Баторда, 2023 жылы Астанада чемпион атанған еді.

Сондай-ақ, бүгін күрескен Асыл Айтақын 61 келіде күміс жүлдегер атанды. 74 келіде күрескен Талғат Сырбаз Азия чемпионатының қола жүлдесі үшін белдесуде Иран балуанына 5:1 есебімен жол беріп, жарысты 5-орынмен аяқтады.

Бұл Қазақстан қоржынына түскен төртінші жүлде. Бұған дейін Мейрамбек Қартбай (57 келі) – қола, Ризабек  Айтмұхан (97 келі) күміс медальға ие болған еді.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам