Жаңа шығарылым! Англия жеңіледі. Саутгейт ақымақ адам!

«Астана» ФК мен «Барыс» ХК-ға «Самұрық Қазына» 100 млрд теңге жұмсаған – Антикор

30.05.2024, 13:37

Спорттық клубтардың басшылары өздеріне жоғары жалақы жазып, оқу-жаттығу жиындарында 5 жұлдызды қонақ үйлерге ғана тұрақтаған

«Астана» ФК мен «Барыс» ХК-ға «Самұрық Қазына» 100 млрд теңге жұмсаған – Антикор
Астана ФК

Сыбайлас жемқорлыққа қарсы іс-қимыл агенттігі спорт саласындағы біраз былықтың бетін ашты. Антикор өкілдері хабарлағандай, «Самұрық қазына» АҚ төрт команданы қаржыландыруға 138 млрд теңге жұмсаған.

Атап айтқандай, әл-ауқат қоры соңғы алты жылда «Астана» футбол клубына – 50,1 млрд, «Барыс» хоккей клубына – 48,8 млрд, «Astana Qazaqstan Team» велотобына – 31,5 млрд және «Астана» баскетбол клубына 8 млрд теңге бөлген.

Бұдан бөлек, спорттық клуб басшыларының тым жоғары жалақысы мен спортшылардың 5 жұлдызды қонақ үйлерге ғана тоқтайтыны белгілі болып отыр.

«Кәсіби клубтардың өнімсіз ойыншыларына төлемдер, кәсіби клубтардың басшылығына жалақының жоғарылауы, 5 жұлдызды қонақ-үйлерде оқу-жаттығу жиындары мен күмәнді агенттік келісімдер арқылы қаражат алу бойынша жүйелік тәуекелдер анықталды. 6 жыл ішінде (2018-2023 ж.) 4 кәсіподақ клубын қаржыландыруға «Самұрық-Қазына» АҚ 138 млрд теңге демеушілік қаражат бөлінді», - делінген аталған хабарламада.

Айта кетейік, бұл тексерулерді Антикор Туризм және спорт басқармасымен бірлесе жүргізген. Агенттік спорт саласындағы басқа да былықтың көп екенін анықтағанын мәлімдеді.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам