Қазақ күресінің бапкері спортты дамыту дирекциясына басшы болды

23.12.2023, 09:39

Ол 9 әлем чемпионын тәрбиелеп шығарған

Қазақ күресінің бапкері спортты дамыту дирекциясына басшы болды
Фото ашық дереккөзден

Спортты дамыту дирекциясының директоры қызметіне Ерлан Естек тағайындалды. Ол бұған дейін Qazaq kuresi қауымдастығының бас директоры қызметін атқарған.

Ерлан Естек ҚР Туризм және спорт министрлігі Спорт және дене шынықтыру істері комитеті Спортты дамыту дирекциясының директоры қызметіне тағайындалып отыр. Ол 1982 жылы 5 қыркүйекте Қостанай облысында дүниеге келген.

Арқалық қаласындағы мемлекеттік педагогика институтын (2003 жылы), Шымкент университетін (2016 жылы), Қазақ спорт және туризм академиясының магистратурасын (2017 жылы) тәмамдаған. 

Еңбек жолын 2001 жылы жаттықтырушы-оқытушы ретінде бастады.

Қазақ күресінен 2 дүркін әлем және Азия чемпионы. Дзюдодан ҚР спорт шебері, қазақ күресінен халықаралық дәрежедегі спорт шебері, ұлттық дәрежедегі төреші. 

Бапкер ретінде қазақ күресінен 9 әлем чемпионын, 5 Азия жеңімпазын 30-дан астам ҚР спорт шеберін даярлаған.

Бұл туралы не ойлайсыз?
Ұнайды 4
Ұнамайды 0
Күлкілі 0
Ашулану 0
×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! / Қазақ баласы қашан NHL-да ойнайды?