Черчесовтың түбіне «қазақ тілі» жетті ме? Жаңа бапкерге – жаңа талап. Қазақты мазақ қылғандар туралы
Сондай-ақ, үздік бапкерлердің де есімдері белгілі болды
Азия күрес кеңес мүшелері грек-рим, еркін және әйелдер күресінен 2024 жылғы Азияның үздік балуандары, үздік федерация, үздік жаттықтырушыларын анықтады.
Грек рим күресінен жапониялық Нао Кусака жылдың үздігі атанды. Кусака өткен жылы Олимпиада ойындары, Азия біріншілігі және Будапештте өткен 2-ші әлемдік рейтинг турнирінде топ жарған. Одан бөлек, Загребте өткен 1-ші әлемдік рейтингтік турнирінде қола медаль алған. Кусака 2024 жылы барлық жарыстарда 18 белдесу өткізіп, 1 рет қана жеңілген.
Айта кетейік, Кусака Париж Олимпиадасының финалында қазақ Демеу Жадраевты жеңген болатын. Ол былтыр Біріккен күрес әлемінің (UWW) шешімімен 2024 жылғы әлемнің үздік балуаны атағына қол жеткізді.
Еркін күрестан Бахрейн намысын қорғайтын дағыстан легионер Ахмед Тажудинов Азияның үздігі деп танылды. Тажудинов 2024 жылы Париж Олимпиадасында топ жарған. Сондай-ақ, Азия чемпионатында қарсылас шыдатпады. Ол Олимпиада мен Азия чемпионатын қосқанда 7 белдесу өткізіп, бәрінде жеңіске жеткен.
Әйелдер күресінен қырғыздың даңқты балуаны Айсұлу Тыныбекова тағы бір мәрте Азияның үздік балуаны атағына қол жеткізді. Ол бұған дейін 2021 жылы үздік атанған.
Айсұлу Париж Олимпиадасында қола медаль алса, Азия чемпионаты мен Загребте өткен 1-ші рейтингтік турнирде алтын медаль олжалады. Ол үш турнирде 12 белдесу өткізген. Оның он бірінде жеңіске жетсе, біреуінде ғана жеңілген.
