Ол бұл қызметті 23 маусымда өзінің президенттік мерзімі аяқталғаннан кейін атқарады
Грекияның Коста-Наварино қаласында өткен Халықаралық Олимпиадалық комитетінің (ХОК) 144-ші сессиясында Томас Бах ХОК-нің құрметті президенті болып өмір бойына сайланды.
Ол бұл қызметті 2025 жылғы 23 маусымда өзінің президенттік мерзімі аяқталғаннан кейін атқарады.
Бұл бастаманы ХОК-нің Атқарушы комитеті атынан ұйымның бірінші вице-президенті Николь Хуверц ұсынды, ал ХОК мүшелері бұл ұсынысты бірауыздан қолдады.
Томас Бахтың құрметті лауазымға сайлануы оның олимпиадалық қозғалысты дамытуға қосқан үлесінің мойындалуы болды.
