Садулаев Тиранада өткен әлем чемпионатында 92 келіде топ жарған
Кәсіпқой бокстан бірінші ауыр салмақта әлемнің абсолютті чемпионы Дмитрий Бивол Мәскеуге барған сәтінде белгілі балуанмен кездесті. Еркін күрестен екі дүркін Олимпиада чемпионы Абдулрашид Садулаевпен жүздескен Бивол оған Еуропа чемпионатындағы белдесулеріне сәттілік тілеген.
Бұл туралы балуан желіде жазба жариялады. Оның айтуынша, кездесу күтпеген жерден болған.
«Көргеніме қуаныштымын», - деп жазды Абдулрашид Садулаев.
Бұған дейін Ресейдің ішкі іріктеуінен сәтті өткен балуанның Еуропа чемпионатына күресетіні айтылған еді. 2024 жылы Париж Олимпиадасынан тыс қалған балуан қазан айында Тиранада өткен әлем чемпионатында 92 келіде топ жарған.
Сондай-ақ, былтыр Румынияда өткен Еуропа чемпионатына барған спортшыны Бухарест әуежайының кеденшілеріне виза мәселесінен кінәрат тауып, жарысқа қатысуға жібермеген еді. Сондай-ақ, оны өткен жылдың сәуір айының басында Бакуде өткен Еуропа аймақтық олимпиадалық іріктеу бәсекесіне де қатысуға ХОК тарапынан шектеу қойылған еді.
