Ол былтыр жастар арасындағы әлем чемпионатында қола жүлде жеңіп алған
Ереванда Лева Варданянды еске алуға арналған халықаралық турнирде жерлесіміз еркін күрестен жастар арасындағы әлем чемпионы Камиль Куруглиев финалға шығып, шешуші сәтте есе жіберді. Ол ақтық сында жерлігікті балуанға есе жіберген.
Лева Варданянды еске алу турнирі Ереванда төртінші жыл өтіп отыр. Биылғы сында 11 мемлекеттен 200-ге жуық балуан қатысты.
Ақтаулық Камиль Куруглиев өткен жылы ел чемпионатында 97 келіде қола жүлдегер атанды. Сондай-ақ, жыл соңында U20 санатындағы әлем чемпионатында 92 келіде қола медальға ие болды. Әскерилер арасында әлем чемпионатында топ жарды.
Ол алда ұлттық құрама сапында 97 келіде негізгі орынды алуға барын салуды көздейді. Бұл салмақта Әлішер Ерғали мен әлем чемпионы Ризабек Айтмұқан сынды білікті балуандар бар. 20 жастағы Камиль Куруглиевті әкесі, белгілі бапкері Магомед Куруглиев жаттықтырады.
