Лондонда тұратында қазақ жастары бас қосқан
Лондонға ағылшын тілін үйренуге аттанған Олимпиада чемпионы Елдос Сметов оқу барысы туралы айтты. Белгілі спортшының сөзінше, оған тіл үйрену қиынға соғып жатқан көрінеді.
Бұл туралы дзюдошы Англияда тұратын қазақ журналисі Ғалымжан Қараманұлымен болған әңгәме барысында айтты.
«Ағылшын тілін үйреніп жатырмын. Еркін сөйлеу үшін осында жүрміз. Өте ауыр болып жатыр. Дегенмен, барымызды салып жатырмыз», - деді ол.
Естеріңізде болса, Париж Олимпиадасында дзюдодан 60 келіде топ жарған спортшы елге келген соң жоспарын атаған еді. Қаңтар айында «тұманды Альбионға» аттанған ол ағылшын тілін терең меңгеруге бел буғанын мәлімдеді.
Елдос Сметов дзюдодан Олимпиада ойындарынан үш рет жүлде алған қазақстандық дзюдошы. Ол Риода күміс, Токиода қола медаль еншілесе, Франция астанасындағы ойындарда чемпион болды. Сондай-ақ, ол әлем және Азия чемпионы, Азия ойындарының жеңімпазы.
