Еліміздің 10 клубы мен ат спорты мектептерінен 30-дан астам спортшы қатысты
28-30 наурыз күндері елордадағы Prestige Horse Club базасында жабық манежде конкур спортынан Қазақстан Республикасы Кубогы өтті.
Ат спортының бұл айтулы додасына еліміздің 10 клубы мен ат спорты мектептерінен 30-дан астам спортшы қатысып, екі топта 6 түрлі бағдарлама бойынша бақ сынады.
Жарыс барысында Prestige Horse Club-тың атынан сынға түскен 5 шабандоз жоғары нәтижелерге қол жеткізіп, бірнеше биіктікте жүлделі орындарға ие болды. Бұл клубтың Қазақстандағы жетекші ат спорты орталығы ретіндегі беделін тағы бір мәрте дәлелдеді.
