Эльмира Сыздықова 2016 жылы Рио Олимпиадасында қола жүлдегер атанған
25-30 наурыз күндері аралығында Иорданияда астанасы Амманда күрес түрлерінен өткен Азия чемпионатында жеңілген қазақстандық Эльмира Сыздықова аталған жарыстан соң жарыс барысынан суреттер жариялады.
Белгілі балуан жүлдесіз қалғанына аса мұңаймаған. Бұлай деуімізге оның әлеуметтік желідегі суреттері дәлел бола алады. Әйелдер күресінен 76 келіде күресетін ол Амманның көрікті жерлерін аралап, көпшілік назарына суреттерін ұсынды.
«Рахмет саған, Амман», - деп жазды балуан.
Естеріңізде болса, отандық балуан Амманда өткен құрлық біріншілігінде іріктеу бәсекесінде есе жіберіп, жүлдеден тыс қалған болатын.
Эльмира Сыздықова 2016 жылы Рио Олимпиадасында қола жүлдегер атанған. Ол жақында әлем чемпионатында жүлде алмауына қатты алаңдайтынын атап, сол мақсатқа жету үшін алда барын салатынын атаған болатын.
Азия чемпионатында күрестің барлық түрінен ұлттық құраманың 30 балуан Иордания сынға түсіп, оның 11-і жүлде алды. Оның ішінде Нұрқожа Қайпанов пен Жәмила Бақбергенова чемпион атанды.
