Бұл қызметке Дархан Нұрханұлы тағайындалды
Алматы қаласының әкімі Ерболат Досаевтың өкімімен Алматы қаласы спорт басқармасының басшысы қызметіне Дархан Нұрханұлы тағайындалды.
Дархан Нұрханұлы мен Бейжің Олимпиадасының күміс жүлдегері, қазіргі кезде Алматы облысы Кеген ауданында әкім болып жүрген Нұрбақыт Теңізбаев және Алматы қаласы cпорт басқармасы басшысының орынбасары Бекжан Онжанның осы орынға үміткер болғаны туралы биыл қаңтар айында жарияланған еді.
Үшеуінің кандидатурасы Туризм және спорт министрі жанындағы өңірлік спорт басқармаларының басшыларын тағайындау жөніндегі комиссияның кезекті отырысында қаралған еді. Осылардың арасында Дархан Нұрханұлының кандидатурасы оң шешімін тапты.
2022 жылы тамыз айынан бастап соңғы тағайындалғанға дейін Алматы қаласы әкімі аппараты басшысының орынбасары болған.
