Курбанов жартылай финалда Өзбекстандық Вадим Анохинді 15:14 есебімен жеңді
Қазақстандық семсерлесуші Руслан Курбанов Колумбияда өткен Гран-При турнирінде күміс жүлдегер атанды.
Шпагамен семсерлесуден Қазақстан құрамасының көшбасшыларының бірі саналатын Курбанов жартылай финалда Өзбекстандық Вадим Анохинді 15:14 есебімен жеңіп, финалға жолдама алды. Алайда шешуші бәсекеде ол жапон спортшысы Акира Коматаға 10:15 есебімен есе жіберіп, екінші орынды қанағат тұтты.
Колумбиядағы сында үздік үштікті Вадим Анохин мен француз Луиджи Мидельтон түйіндеді.
Айта кетейік, қазақстандық тағы бір спортшы Ерлік Сертай да сынға түсіп, Гран-При турнирін сегізінші орынмен аяқтап, үздік ондыққа енді.
