Қазақстандық спортшы қашықтықты 30 минут 48.44 секундта жүгіріп өтті
Жеңіл атлетикадан Оңтүстік Кореяның Гуми қаласында өтіп жатқан Азия чемпионатында Қазақстан құрамасы алғашқы алтын медалін жеңіп алды. Жеңіс тұғырының ең жоғары сатысына Дейзи Джепкемей көтерілді. Ол 10 000 метрге жүгіруден өткен финалдық сайыста жеңіске жетті.
Қазақстандық спортшы қашықтықты 30 минут 48.44 секундта жүгіріп өтті.
Екінші орынды жапониялық Ририка Хиронака (30:56.32), үшінші орынды тағы бір жапон спортшысы Микуни Яда (31:12.21) иеленді.
Осылайша, Қазақстан құрамасының қоржынында екі медаль бар. Бұған дейін Ясмина Тоқсанбаева 20 шақырымдық спорттық жүрісте қола медаль жеңіп алған болатын.
Кения тумасы Дейзи Джепкемейдің Қазақстан құрамасының атынан өнер көрсетіп жүргеніне жеті жыл болды. 2012 жылы ол 3 мың метрге кедергілермен жүгіруде әлемдегі ең үздік жасөспірімдердің бірі болған.
Ал құрамамыздың сапында ол Париждегі Олимпиада ойындарына қатысып, 17-орын алды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
