Айдос Сұлтанғали әлем чемпионатында сенсация жасады

Алия Алиева

Автор

19.09.2025, 17:58

Қарсыласы - Азия чемпионы, 2023 жылғы Азия ойындарының және 2024 жылғы Олимпиаданың қола жүлдегері.

Айдос Сұлтанғали әлем чемпионатында сенсация жасады

ҰОК

Загребте (Хорватия) өтіп жатқан грек-рим күресінен әлем чемпионатында Қазақстанның мықты балуандарының бірі Айдос Сұлтанғали сенсациялық жеңіске жетті.

60 келі салмақта күрескен Сұлтанғали қатарынан үш қарсыласын тізе бүктірді:

іріктеу кезеңі — америкалық Максвелл Хупер Блэкті 7:1 есебімен ұтты;
1/8 финал — израильдік Мелкаму Фетенеден 11:2 есебімен басым түсті;
1/4 финал — Солтүстік Корея өкілі Се Ун Римен 1:1 есебімен тең түскенмен, соңғы ұпайды өзі еншілегендіктен жеңіске жетті.

Айта кетейік, оның соңғы қарсыласы – Азия чемпионы, 2023 жылғы Азия ойындарының және 2024 жылғы Олимпиаданың қола жүлдегері. Бәсекеде фаворит саналса да, жеңіс қазақ балуанының еншісінде болды.

Осылайша Айдос Сұлтанғали әлем чемпионатының жартылай финалына жолдама алды.

Айдос Сұлтанғалидың спорттық жолы

Туған жылы: 7 ақпан 1996 жыл
Туған жері: Қызылорда қаласы
Жетістіктері:
- кадеттер арасында Азия чемпионатының финалисі (2012)
- кадеттер арасында Азия чемпионы (2013)
- жастар арасында Азия чемпионы (2016)
- 23 жасқа дейінгі әлем чемпионатының қола жүлдегері (2017)
- екі дүркін әлем чемпионатының қола жүлдегері (2018, 2022)
- Азия чемпионы (2021)
- Әлем кубогының қола жүлдегері (2022)
- Әскерилер арасындағы әлем чемпионатының қола жүлдегері (2024)
- 2023 жылғы Азия ойындары — 5-орын
- 2024 жылғы Олимпиада — 14-орын