![Елена Рыбакина Абу-Даби турнирінде ресейлік теннисшіні жеңіп, финалға шықты](https://1bol.kz/cache/imagine/1200/uploads/news/2024/02/10/65c7a57357f94881473676.webp)
Финалда да ол орыс теннисшісімен кортқа шығады
Әлемнің бесінші ракеткасы – қазақстандық Елена Рыбакина Abu Dhabi Open турнирінің финалына шықты деп хабарлайды 1bol.kz.
Рыбакина жартылай финалда ресейлік Людмила Самсоновамен (WTA рейтингінде 15-орын) кездескен болатын. Ойын үш сетке созылып, 6:0, 4:6, 6:2 есебімен Рыбакина жеңіске жетті.
Матч барысында қазақстандық теннисші 9 эйс жасап, бір рет дабл-фолға жол берді.
Айта кету керек, Самсонова Рыбакина үшін өте қолайсыз қарсыластардың бірі саналады. Бұған дейінгі кездесулердің бірде-бірінде ол Ресей теннисшісін жеңе алмаған.
Енді финалда жерлесіміз өзге орыс теннисшісі Дарья Касаткинамен кортқа шығады.