Үш сетке созылған тартысты матчта Рыбакина 2:6, 6:3, 6:4 есебімен жеңіске жетті
Қазақстанның бірінші ракеткасы, әлемдік рейтингте 2-орында тұрған Елена Рыбакина АҚШ-тың Майами қаласында өтіп жатқан WTA 1000 санатындағы турнирдің жартылай финалына жолдама алды.
Турнирдің ширек финалында қазақстандық теннисші әлемнің 5-ракеткасы, америкалық Джессика Пегуламен кездесті. Үш сетке созылған тартысты матчта Рыбакина 2:6, 6:3, 6:4 есебімен жеңіске жетті.
Осылайша, Елена Рыбакина Майами турнирінің жартылай финалына шықты. Енді ол финал жолдамасы үшін Арина Соболенко (Беларусь, WTA рейтингінде 1-орын) мен Хейли Баптист (АҚШ, 45-орын) арасындағы матчтың жеңімпазымен кездеседі.
Айта кетейік, Рыбакина Miami Open-2026 турнирін сәтті бастап келеді. Бұған дейін ол жарыс барысында қазақстандық Юлия Путинцеваны (75-орын) 6:3, 6:3, украиналық Марта Костюкті (28-орын) 6:3, 6:4 және австралиялық Талия Гибсонды (68-орын) 6:2, 6:2 есебімен тізе бүктірген болатын.
Биылғы Майами турнирінің жалпы жүлде қоры 9 415 725 долларды құрайды. Ал жарыс жеңімпазы 1 151 380 доллар сыйақы алып, 1000 рейтингтік ұпай еншілейді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
