«Үлкен дулыға» турнирлерінің төрт дүркін чемпионы Арина Соболенко теннистегі басты қарсыласы – қазақстандық Елена Рыбакинаға қатысты пікірін айтты.
Punto De Break тілшісіне сұхбат берген беларустік теннисші Рыбакинамен бәсекелестік өзіне ұнайтынын, мұндай тайталастан тек ләззат алатынын айтқан.
«Бұл маған ұнайды. Бізде жақсы бәсекелестік бар, тек біздің арамызда емес, өзге теннисші қыздар да бірін-бірі қайрап, жеңіске итермелеп келеді.
Иә, кейде рейтингте құлдырайсың, ұпай жоғалтасың немесе финалда жеңілесің. Бірақ, осының бәрінен сабақ аласың, үйренесің.
Бұл маусымда мен ауыр жеңілістерден сабақ алдым, оны өзімді шыңдау үшін пайдаландым, дамудың жаңа жолдарын іздедім және шыңға қайта шықтым.
Мен Лена екеуміздің бәсекелестігімізден ләззат аламын», - деді Соболенко.
Беларустік теннисші WTA рейтингінде 2024 жылдың қазанынан бастап (99 апта) бірінші сатыдан түскен жоқ. Биыл қыркүйек айында Елена Рыбакина US Open турниріндегі жеңісінен кейін Соболенконы басып озып, рейтингте бірінші орынға көтерілді.
Биыл қос теннисші түрлі турнирлерде өзара төрт рет кездескен. Оның екеуінде Рыбакина, қалған екеуінде Соболенко жеңіске жетті.
Ордабасы
Қайрат
Астана
Ақтөбе
Оқжетпес
Елімай
Тобыл
Ұлытау
Жеңіс
Каспий
Қызылжар
Атырау
Ертіс
Қайсар
Алтай
Жетісу
