Ол Рыбакинаның маусым бойы физикалық және психологиялық тұрғыдан көп күш жұмсағанын атап өтті
Әлемнің екінші ракеткасы, Беларусь теннисшісі Арина Соболенко Қазақстан өкілі Елена Рыбакинаның WTA-2026 қорытынды турниріне қатысудан бас тартуына қатысты пікірін айтты.
Бұған дейін Рыбакинаның медициналық себептерге байланысты жарыстан шеттетілгені белгілі болды. Ұйымдастырушылар таратқан мәлімдемеде қазақстандық теннисшінің вирустық инфекцияға шалдыққаны айтылған.
Соболенко бұл жаңалыққа таңғалғанын жасырмады. Дегенмен ол Рыбакинаның маусым бойы физикалық және психологиялық тұрғыдан көп күш жұмсағанын атап өтті.
«Әрине, таңғалдым. Бірақ оның маусымы физикалық тұрғыдан да, психологиялық жағынан да өте ауыр өткенін түсінемін. Көптеген қиын матч пен ұзақ турнир болды. Оның үстіне, Азияда да көп ойнады. Жарыстан бас тартқанына таңғалдым, бірақ ойланып қарасам, бұл шешіміне түсіністікпен қараймын.
Соған қарамастан, ол керемет маусым өткізді және жыл соңындағы әлемдік рейтингте бірінші орынға шығатынын қамтамасыз етті. Сондықтан денсаулығына көңіл бөліп, жақсылап демалып, келесі маусымды тың күшпен бастауды таңдағаны дұрыс болды деп есептеймін», – деді Соболенко First&Red басылымына берген сұхбатында.
Айта кетейік, Елена Рыбакина маусымды төрт титулмен аяқтады. Оның қатарында Australian Open және US Open турнирлеріндегі жеңістері де бар.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Қызылжар
Каспий
Ертіс
Атырау
Алтай
Жетісу
Қайсар
